Ambasadori i OSBE-së në Kosovë Jan Braathu vizitoi Odën e Mjekëve të Kosovës

Udhëheqësi i Organizatës për Siguri dhe Bashkëpunim në Evropë (OSBE) me mision në Kosovë, Ambasadori Jan Braathu vizitoi sot Oden e Mjekëve të Kosovës (OMK) ku u takua me Kryetarin e OMK-së dr. Pleurat Sejdiu, Zv. Kryetarin dr.Rrezart Halili dhe stafin e OMK-së.   

Kryetari i OMK-së dr. Sejdiu fillimisht i dëshiroi mirëseardhje, e më pas e informoi për zhvillimet e Odës ku si të arritura i theksoj, antarësimin e knaqëshem të mjekëve dhe bartjen e kompetencave publike nga Ministria e Shëndetësisë tek Oda e Mjekëve të Kosovës.

Ambasadori i OSBE-së në Kosovë , Jan Braathu e përgëzoi Kryetarin për punën dhe rezultatet e arritura duke theksuar rëndësinë e reformave në sektorin e shëndetësisë dhe nevojen për më shumë storie të suksesit siq është edhe rasti i funkcionalizimit të Odës së Mjekëve.

Ambasadori Braathu  shprehu gatishmërinë për mbështetjen e pa rezervë të OSBE-së në proces te ndërtimit të Odës, ku theksoj që OSBE mund të ofroj përkrahje në ndërmjetësimin dhe në ngritjen e kapaciteteve.

Kryetari i OMK-së e mirëpriti gatishmërinë e Ambasadorit për ofrimin e përkrahjes dhe potencoi se OMK do të pergatitë një projekt propozim me kërkesën konkrete drejtuar tek OSBE me planin e trajnimeve të nevojshme për organe të OMK-së, Këshillin Etik, Gjyqin e nderit dhe Prokurorin e Odës.