Ceremonia e vendosje së gurthemelit të Obeliskut
16 Dhjetorë 2021U mbajt ceremonia e vendosjes së gurëthemelit të Obeliskut për nder dhe përkujtim të kontributit dhe sakrificës së profesionistëve shëndetësor të Republikës së Kosovës.
Punëtorët shëndetësor ishin në ballë të përkujdesjes të të lënduarve dhe të plagosurve në demonstratat e viteve ’68, ’81 dhe helmimeve të nxënësve shqiptar e demonstratave të ’89-tës.
Punëtorët shëndetësor arritën që të përballojnë rreziqet dhe të organizojnë spitalet ushtarake në të gjitha zonat operative të UÇK-së dhe ishin në frontin e parë gjatë periudhës së pandemisë, ku sakrifikuan jetën dhe familjet e tyre në krye të detyrës.
Pjesëmarrës në këtë ceremoni ishin: Dr. Rifat Latifi, ministër i Shëndetësisë, Dr. Pleurat Sejdiu, kryetar i Odës së Mjekëve, Z. Naser Rrustemaj, kryetar i Odës së Infermierve, Prof. Dr. Arianit Jakupi, kryetar i Odës së Farmacistëve, Prof. Dr. Blerim Kamberi, kryetar i Odës së Stomatologëve, Z. Feim Gashi, Kryetar i Odës së Fizioterapeutëve, etj.
Obelisku po realizohet falë bashkëpunimit të OPSH-ëve dhe donatorëve që kanë përkrahur dhe kontribuar për këtë monument.
Përjetësisht falënderues për sakrificën e mjekëve tanë ndër vite.
