Dr. Ekrem Maloku- Ligjërues i ftuar në Kongresin e Dytë të Mjekësisë – Onkologji

Dr. Ekrem Maloku është i lindur në Vushtrri. Diplomoj në Fakultetin e Mjekësisë në Prishtinë ku edhe punon për një kohë si staf akademik dhe në ndërkohë magjistron në lëminë e Neuroshkencës dhe Neuropsikofarmakologjisë. Për shkak të entuziazmit për punë dhe mundësi të reja Dr. Maloku emigron në SHBA dhe i bashkohet Universitetit të Illinoit në Chicago si pjesë e stafit shkencor në Institutin e Neuroshkencës. Ai pati rastin të punoj nën mentorimin e emrave të mëdhenjë në Neuroshkencë si Dr. Erminio Costa, anëtar aktiv i Akademisë së Shkencave Amerikane, njëri ndër Neuroshkencetarët dhe mjekët më të cituar në fushën e Neuroshkencës me mbi 1100 punime të publikuara në atë kohë. Dr. Maloku arriti që të publikoj një seri të publikimeve në këtë lëmi në revistat shkencore me impakt të lartë si revista e Akademisë së Shkencave Amerikane (Proceedings of National Academy of Sciences (PNAS), si dhe Nature-Neuropsychopharmacology dhe në të njejtën kohë prezantoj dhe është i ftuar në shumë konferenca nacionale Amerikane dhe Europiane.

Në ndërkohë Dr. Maloku vendos të barasvlerësoj diplomen e mjekut në SHBA ku pas kompletimit të të gjitha provimeve të Fakultetit të Mjekësisë certifikohet nga Komisoni për edukim mjekësor në SHBA (ECFMG). Kjo i hap rrugë të konkuroj për specializime klinike në SHBA ku edhe pranohet në programin e Patologjisë Klinike dhe Anatomike pranë klinikës së mirënjohur Dartmouth Hitchcock Medical Center për të vazhduar dhe kompletuar mëtutje programin 2 vjeçar subspecialistik të Neuropatologjisë Klinike në Qendrën Medicinale Universitare të New Yorkut (NYU Langone Heatlth) ku perveq punës klinike në kapituj të veçantë edhe ligjeron për studentët e mjekësisë në këtë qendër Universitare. Pas kësaj periudhe kalon edhe 1 vit në departamentin e Hemato-Patologjisë në Dartmouth Hitchcock Medical Center (USA).

Dr. Maloku është anëtar i Asociacionit Amerikan dhe Kanadez të Patologjisë (USCAP), Shoqatës Amerikane të Mjekësisë (AMA), Shoqatës Amerikane të Neuroshkencës, Kolegjit Amerikan të Patologjisë dhe Asociacionit Amerikan të Neuropatologjisë. Ai mban licensë aktive të mjekut në shtetin e New Yorkut dhe Kosovë. Ai mban lidhje të ngushta me Kosovën si në ligjeratat e kohëpaskohshme për stafin klinik dhe student në Universitetin e Prishtinës dhe gjithashtu është Profesor i Patologjisë dhe Kujdesit Mjekësor të bazuar në Evidencë pranë Kolegjit Gjermano-Kosovar Heimerer në Kosovë. Për momentin është i vetmi subspecialist Neuropatolog në Kosovë dhe rajon. Interesi i tij i ngushtë është vazhdimi i punvs me pacientë, edukimi mjekësor dhe vazhdimi i angazhimit ne hulumtime klinike sidomos në raport me avancimin e diagnostikës molekulare Neuropatologjike në tumorët e trurit bashkë me aplikimin e mjekësisë precize. Ai planifikon të vazhdoj të ndajë karrierën e tij klinike dhe akademike në mes SHBA-së dhe Kosovës.