Thirrje për dorëshkrime për numrin e dytë të Revistës Mjeku

Të nderuar,

Jemi të lumtur që botimi i numrit të parë të Revistës Mjeku, i realizuar javën e kaluar, shënoi sukses përtej pritshmërisë.

Numri i dytë i revistës Mjeku ka temën bosht ONKOLOGJIA dhe planifikohet të dalë në muajin Qershor.

Ftojmë të gjithë të interesuarit, që të kontribuojnë me shkrimet e tyre të cilat mund të dorëzohen në Redaksi deri me datë 15 Maj.

Artikujt mund të jenë të natyrës informative, vështrim (review) dhe opinion. Meqë risia e këtij numri do të jetë edhe kapitulli “SHKENCË” ftojmë të interesuarit që të kontribuojnë edhe me artikuj të tipit: “review article”, “metaanalysis” apo “systematic review” nga fusha e Onkologjisë.

Për të gjithë artikujt, maksimumi i fjalëve është 2000 dhe citimi i literaturës duhet të jetë në stilin Vacouver.

Artikujt mund të dorëzohen në e-mail adresën: revistamjeku@omk-rks.org deri me datë 15 Maj 2021.

Ju lutem të jeni të vëmendshëm se artikujt e pakompletuar dhe që nuk i përmbahen kritereve të lartpërmendura nuk do të mirren në shqyrtim.

Redaksia “Revista Mjeku”