Oda e Mjekëve jep mirënjohje për institucionet shëndetësore të rajonit të Mitrovicës

Sot në Spitalin e përgjithshëm Mitrovicë, Oda e Mjekëve të Kosovës ka vazhduar organizimin e ndarjes së mirënjohjeve për mjekët në pension në shenjë falenderimi për kontributin e tyre jetësor gjatë karierës së tyre dhe për institucionet shëndetësore që kanë kontribuar në luftën kundër COVID-19.

Sipas organizimit sot mirënjohjet janë ndarë për Spitalin e Përgjithshëm Mitrovicë, Qendrën Kryesore të Mjekësisë Familjare Mitrovicë, Qendrën Rajonale të Shëndetit Publik Mitrovicë, Qendrën Kryesore të Mjekësisë Familjare Skenderaj, Spitalin e Përgjithshëm Vushtrri si dhe Qendrën Kryesore e Mjekësisë Familjare Vushtrri.