Mbahet mbledhja e VII-të e Kuvendit të OMK-së, Legjislatura e II-të
26 Nëntor 2020Me 25 nëntor përmes platfomrës zoom u mbajt online mbledhja e VII-të e Kuvendit të OMK-së, Legjislatura e II-të.
Në hapje të mbledhjes u përkujtuan të gjithë mjekët që humbën jetën nga infektimi me COVID-19.
Gjatë takimit kryetari i OMK-së dr. Pleurat Sejdiu shpalosi raportin e punës ,aktiviteteve të kryera në OMK si dhe sfidat gjatë vitit 2020.
Mes diskutimesh dhe komentesh anëtarët e Kuvendit të Odës së Mjekëve kanë adresuar shqetësimet kryesore sipas zhvillimeve aktuale, ku me pas kanë votuar për plotësim/ndryshimet me qëllim të përditësimit të Rregulloreve të brendëshme të OMK-së. Me këtë rast, delegatët e Kuvendit të OMK-së i bënë thirrje autoriteteve qeveritare për përkujdesje ndaj mjekëve si në aspektin financiar siç edhe janë të obliguar, poashtu në përmirsimin e kushteve të punës në përgjithësi, e në veçanti në përballje me pandeminë.
Takimi u mbyll me votimin të planit të punës për vitin 2021, ku mes tjerash është planifkikuar edhe botimi i revistës mjekësore.
