Pyetësor studimi “Vlerësimi i mirëqenies psikologjike të punonjësve shëndetësor gjatë pandemisë COVID-19 në Kosovë”

Departamenti i Psikologjisë i Universitetit të Prishtinës në bashkëpunim me Odën e Mjekëve dhe Infermierëve të Kosovës kërkojnë pëlqimin tuaj(mjekë dhe infermier) për pjesëmarrje në një studim për “Vlerësimin e mirëqenies psikologjike të punonjësve shëndetësor gjatë pandemisë COVID-19 në Kosovë”. Pyetësori ka për qëllim aplikimin e masave për përmirësim të mirëqenjes psikologjike të punonjësve shëndetësor.

Kjo formë e pëlqimit ju kërkon të lejoni studiuesit të shikojnë intervistën dhe të përdorin përgjigjet tuaja (anonime) për të arritur të kuptuarit e mirëqenjes psikologjike të punonjësve shëndetësor gjatë pandemisë COVID-19.

Pjesëmarrja në këtë studim është plotësisht vullnetare. Nëse vendosni të mos merrni pjesë nuk do të ketë pasoja negative. Ju lutemi vini re se nëse vendosni të merrni pjesë, mund të ndaloni të merrni pjesë në çdo kohë dhe mund të vendosni të mos përgjigjeni për ndonjë pyetje specifike.

Studiuesit/Oda e Mjekëve dhe Infermierëve të Kosovës do të ruajë konfidencialitetin e të dhënave të hulumtimit. Me plotësimin e pyetësorit nuk kuptohet se nga kush është plotësuar. Kohëzgjatja e pyetësorit prej 10 deri 15 minuta.

Me paraqitjen e kësaj forme ju po tregoni se keni lexuar përshkrimin e studimit, dhe se jeni dakord me termat siç përshkruhen.

Kontributi i juaj është shumë i rëndësishëm. Ju faleminderit paraprakisht për pjesëmarrjen tuaj!

Ju lutem përcillni linkun e mëposhtëm për ta plotësuar pyetësorin:

Linku: Pyetësori “Vlerësimi i mirëqenies psikologjike të punonjësve shëndetësor gjatë pandemisë COVID-19 në Kosovë”