Mosha mesatare e mjekëve në Kosovë është 53 vjeç, rrezikohet mbyllja e spitaleve pas gjashtë vitesh

Kryetari i Odës së Mjekëve të Kosovës, Pleurat Sejdiu në emisionin Oxygen ka treguar se janë 700 mjekë të papunë në Kosovë, e në anën tjetër shtëpitë e shëndetit gjithandej Kosovës shkruajnë letra që nuk kanë mjekë dhe po mbyllin repartet.

“Çdo ditë po ikin mjekë nga Kosova, i bie se çdo ditë po ikë nga një mjek e gjysmë. Nga këta 700 mjekë prej tyre 100 specialistë, e këta mjekë të rinj në Odën e Mjekëve po na i përmirësojnë statistikat e moshës ku kemi arritur në moshën 53 vjeç e ca, nëse këta 600 mjekë të rinj shkojnë, ne shkojmë diku te mosha 58 apo 59 vjeç e pas gjashtë vitesh do të na duhet të mbyllim spitale, e atëherë shoqëria dhe politikanët do ndalen të mendojnë çfarë ka ndodhur”, thotë Pleurat Sejdiu, kryetar i Odës së Mjekëve të Kosovës.