Takim mes Organizatave Profesionale Shëndetësore dhe Ministrit të Shëndetësisë lidhur me situtatën e krijuar në vend

Përfaqësuses të Odave Profesionale Shëndetësore dhe Institucioneve Shëndetësore mbajtën sot takim me ministrin e shëndetësisë. Në këtë takim, janë dhënë rekomandime lidhur me situtatën e krijuar në vend për shkak të virusit Covid-19, dhe masat tjera që priten të merren.

Sipas analizave që Oda e Mjekëve ka bërë, dhe rezultatet e marra përmes raportimeve nga delegatet e saj, Kryetari i OMKsë, Dr.Plurat Sejdiu ka raportuar për gjendjen e mbrojtjes së mjekëve në teren dhe gatishmërine e tyre, Në bazë të analizave të bëra Dr.Sejdiu, ka dhënë edhe propozime konkrete si organizative në nivel të zhvillimnit të resurseve njerzore, poashtu organizative mbrenda spitalore për mbarvajtjen e shëndetit mbi të gjitha.

Ministri Vitia i njoftoi përfaqësuesit e institucioneve dhe organiztave shëndetësore me nje varg masash të cilat tashmë janë ndërmarrë nga Ministria e Shëndetësisë pasi që ato janë aprovuar paraprakisht nga Komitetit për Koordinim dhe Vlerësim të Situatës Emergjentë lidhur me virusin Covid-19.

Në këtë takim është propozuar që të këtë lehtësime për stafin mjekësor më të moshuar; të inkuadrohen vullnetarët që kanë shprehur gatishmërinë, organizimi i ekipeve mobile për vizita të qytetarëve që kanë shenja të dyshimit në COVID-19, furnizimi me materiale mbrojtëse i zonave ku janë ndaluar hyrje-daljet, etj.

Këto dhe masat e tjera të dakorduara njëzëri në këtë takim i cili do të koordinohet si një trup i vetëm në mbrojte të shëndetit të popullatës, do të publikohen pasi që ato të aprovohen nga Komiteti për Menaxhimin e Emergjencave, pjesë e të cilit janë të gjitha institucionet relevante.

Ndërsa, më pas do t’i adresohen Komisionit të Veçantë të udhëhequr nga Kryeministri i Republikës së Kosovës.