Mjekët kundërshtojnë planin e Kurtit, kërkojnë të drejtë të punojnë edhe në sektor privat

Kandidati për kryeministër nga radhët e Lëvizjes Vetëvendosje dhe njëkohësisht kreu i saj, Albin Kurti, ka paralajmëruar që mjekët duhet të përcaktohen nëse duan të punojnë në institucionet publike shëndetësore apo ato private. Ndërkohë, mjekët këtë paralajmërim të Kurtit e konsiderojnë të paarsyeshëm dhe të padrejtë.

Kurti ditë më parë ka deklaruar se gjatë qeverisjes se tij, mjekët nuk do të kenë mundësi të punojnë në dy sektorë.

Por, një gjë e tillë po kundërshtohet ashpër nga Oda e Mjekëve të Kosovës.

Pleurat Sejdiu që udhëheqë këtë organ, thotë se një vendim i tillë do të ishte i pranueshëm, nëse do të vlente për të gjithë sektorët.

“Problemi është i shtruar në dy nivele, pse vetëm mjekët, pse jo edhe tjerat profesione. Pse një profesor ka të drejtë të bëj mësim edhe në privat edhe në publik, pse mjeku jo pse një ekonomist punon në institucione publike, pasdite është kontabilist i kompanisë së madhe, ose një jurist ne kompani private, ka qene një tentim’’, ka thënë Pleurat Sejdiu.

Sejdiu pranon se në mesin e mjekeve, ekzistojnë të atillë që i dërgojnë pacientët nga institucionet publike në ato private për përfitime personale.

Por, për këtë fenomen ai mendon se duhet të ketë një monitorim më të mire.

“Ne nuk mund të themi se nuk ka në mesin tonë që manipulojnë me pacientin por unë besoj që filteri dhe përgjegjësi për një pacient është institucioni, pse ai po ikë nga një pritje disa ditëshe ose kolegët tonë që bëjnë lojëra, të cilët shtyjnë pacientin aty ku ka përfitim material, mirëpo për këtë duhet të ketë monitorim më të mirë’’.

Artikullin e plotë mund ta lexoni në:

https://www.gazetaexpress.com/mjeket-kundershtojne-kurtin-kerkojne-te-punojne-edhe-ne-sektor-privat/?fbclid=IwAR3sAmcMkfF-Z0RzXaLpsvUDzAVIj7IdAc2jjD_jQb1yXdObW1oNJN10OcQ