NJOFTIM PËR VEND TE LIRË TË PUNËS

Në bazë të nenit 57 te Ligjit Nr. 04/L-150 për Odat e Profesionistëve Shendetësor, Nenit 8 të Ligjit Nr. 03/L-212 të Punës, si dhe nenin 4 dhe 5 i  Udhëzimit Administrativ (MPMS) Nr. 07/2017 për Rregullimin e procedurave për themelimin e marrëdhënies së punës në sektorin publik, Oda e Mjekëve të Kosovës shpall këtë:

K O N K U R S

ASISTENT/E ADMINISTRATIV/E PRANË ODËS SË MJEKËVE TË KOSOVËS

Numri i pozitave: 1 (një vend pune),

Nr. ref: 04/2019

Kohëzgjatja e Kontratës: Kohë të pacaktuar

Detyrat dhe Përgjegjësitë:

• Ofron asistencë në kryerjen e punëve administrative për nevojat e punëve pranë organeve të OMK-së;
• Pranon aplikacionet, kërkesat/ankesat nga palët drejtuar organeve të OMK-së, kujdeset për mbarëvajtjen e procedurës administrative deri në shqyrtimin final të lëndës;
• Mirëmbanë dosjet, në formën fizike dhe elektronike si dhe data bazën e organeve të OMK-së;
• Siguron materialet e nevojshme për mbarëvajtje të mbledhjeve të organeve të OMK-së;
• Ndihmon anëtarët e organeve të OMK-së në kontaktet e ndërsjella si dhe në raport me palët e treta;
• Kryen edhe punë tjera nga fusha e përgjegjësisë dhe specifikimeve të përcaktuara me Kontratën e Punës.

Shkollimi i kërkuar: Diplomë Universiteti Bachelor në fushën Juridik, Administratë Publike, Ekonomi, Banka, Financa dhe Marketing

Aftësitë / përvoja dhe atributet e tjera që kërkohen: 

• Aftësi për zbatimin e procedurave dhe udhëzimeve administrative për kryerjen e detyrave të punës;
• Së paku 1 vit përvojë pune;
• Njohja e gjuhës angleze konsiderohet përparësi;
• Njohje e mirë e punës me kompjuter Word, Excel, Internet dhe mjeteve tjera teknike në zyrë;
• Të ketë aftësi të punës ekipore dhe aftësi për të krijuar raporte pune ndër personale të shkëlqyeshme;
• Shkathtësi të dëshmuara dhe efektive të komunikimit me gojë dhe shkrim;
• Shkathtësi komunikimi, përfshirë aftësinë për të interpretuar informata, për të dhënë udhëzime dhe për të përcjellë informata tek të tjerët;
• Të jetë energjik/e, të jetë i/e gatshme të punojë nën presion dhe me orar fleksibil të punës;

• I/e aftë të mbajë informatat konfidenciale në mënyrë të përshtatshme;
• Personalitet të përkushtuar, me iniciativë, aftësi dhe vullnet për të marrë përgjegjësi.

Kushtet e pjesëmarrjes në rekrutim: Të drejtë aplikimi kanë të gjithë qytetarët e Republikës së Kosovës të moshës madhore të cilët kanë zotësi të plotë për të vepruar, kanë shkollimin e kërkuar dhe kanë aftësinë profesionale për kryerjen e detyrave.

Paraqitja e kërkesave:

Inkurajohen të gjithë kandidatët e interesuar të cilët i plotësojnë kushtet e cekura më lartë të aplikojnë. Formularët për aplikim mund të shkarkohen nga ueb faqja zyrtare e OMK-së www.omk-rks.org.

Aplikacionet e plotësuara së bashku me kopjen e letërnjoftimit, kopjet e dëshmive për kualifikimet e nevojshme arsimore, përvojën e punës, kurset e ndjekura, referencat si dhe dokumentacionet e tjera të nevojshme të kërkuara sipas kushteve të konkursit, mund të dorëzohen:

• Përmes e-mail adresës: info@omk-rks.org, dhe
• Përmes postës në adresën: Oda e Mjekëve të Kosovës, QKUK INSTITUTI A Kati III, 10 000 Prishtinë.

Në aplikacion duhet të ceket qartë titulli i vendit të punës dhe dokumentet e bashkëngjitura aplikacionit duhet të jenë kopje meqë të njejtat nuk kthehen.

Aplikacionet e dorëzuara pas afatit të paraparë dhe aplikacionet e pakompletuara nuk do të shqyrtohen.

Aplikacionet e dërguara me postë të cilat mbajnë vulën postare mbi dërgesën e bërë ditën e fundit të afatit për aplikim, do të konsiderohen të vlefshme dhe do të merren në shqyrtim, nëse arrijinë brenda ditëve sa shpallja mbetet e hapur.

Vetëm kandidatët e përzgjedhur në listën e ngushtë do të kontaktohen.

Konkursi mbetet i hapur 15 ditë, nga dita e publikimit dhe do të jetë i hapur nga data:  12.10.2019 deri më 26.10.2019.

Për informata shtesë mund të kontaktoni në numrat e telefonit: 049/872-300 apo 038 / 544-872.