Thirrje për Kandidim për Kryetar të Odës së Mjekëve të Kosovës

Të nderuar anëtarë,

Pas përfundimit të procesit zgjedhor dhe Certifikimit të Listës Përfundimtare të Anëtarëve për Kuvendin e Odës së Mjekëve, në përputhje me dispozitat e Kodit Zgjedhor të OMK-së, duke respektuar afatet e përcaktuara nga ky Kod për procedurën e kandidimit dhe zgjedhjes së Kryetarit të Odës së Mjekëve, ftojmë të gjithë anëtarët e zgjedhur që shprehin vullnetin për të kandiduar, që të drejtën për tu zgjedhur në këtë pozitë ta realizoni duke plotësuar aplikacionin për kandidim të cilin do ta gjeni në vegzën e mëposhtme:

FORMULARI për kandidatët për Kryetar 

Në përputhje me dispozitat e Kodit Zgjedhor, çdo anëtar i cili ka fituar mandatin katër vjeçar për Kuvendin e Odës, dhe i cili shprehë interesin për të kandiduar për pozitën e Kryetarit, me rastin e kandidimit duhet të sigurojë mbështetjen e njëzetë  (20) anëtarëve të tjerë të zgjedhur(por jo më shumë se 20). Anëtarët që përkrahin kandidimin e tillë nuk duhet të jenë kandidat për këtë pozitë, dhe mbështetjen me nënshkrim munden ta paraqesin vetëm për një kandidat.

Aplikacionet duhet të dorëzohen në selinë e Odës së Mjekëve të Kosovës, duke iu dorëzuar aplikacioni KQZ-së përmes Sekretariatit të KQZ-së.

Kushtet për aplikim:

• të jetë anëtarë i zgjedhur për Kuvendin e Odës nga Njësia e tij Zgjedhore
• të ketë siguruar mbështetjen e 20 (njëzetë) anëtarëve të zgjedhur,
• të mos jetë duke u zhvilluar ndonjë procedurë penale ndaj tyre,
• ndaj tij mos të jetë shqiptuar dënimi i cili është evidentuar në evidencat penale për veprat penale që janë kryer gjatë ushtrimit të profesionit të mjekut ,
• ndaj tij të mos të jetë shqiptuar dënimi për keqpërdorim të detyrës zyrtare,
• ndaj tij mos të jetë shqiptuar ndonjë masë e rëndë disiplinore nga organet e mbikëqyrjes etike;
• Dorëzimi i formularit për kandidim së bashku me CV, programin dhe certifkiaten e të kaluarës penale dorëzohen në KQZ (Zyrën Qendrore të Odës),

Verifikimet e plotësimit të kushteve të secilës kandidaturë do të bëhet nga KQZ-ja përmes rekomandimeve të Sekretariatit të KQZ-së, e të cilat do të procedohen për certifikim nga KQZ-ja.

Afati i dorëzimit të aplikacioneve është deri me datë 02 Mars 2026