Oda e Mjekëve të Kosovës organizon trajnimin për Diagnostikimin me Ultratinguj Osteomuskular

Oda e Mjekëve të Kosovës ka organizuar trajnimin për Diagnostikimin me Ultratinguj Osteomuskular, i dedikuar specialistëve të Mjekësisë së Sportit të Qendrës Kombëtare të Mjekësisë Sportive në Prishtinë.

Gjatë trajnimit do të trajtohen temat si:

Bazat e ultrazërit dhe anatomia e sistemit osteomuskular, Ultrazëri i gjymtyrëve të sipërme – përfshirë teknikat e ekzaminimit të shpatullës, bërrylit, parakrahut, kyçit dhe dorës, Ultrazëri i gjymtyrëve të poshtme – me fokus në ekzaminimin e regjioneve të kofshës, ijës, gjurit dhe kyçit të këmbës, Interpretimi klinik dhe integrimi në praktikë, duke ndërthurur njohuritë teorike dhe praktike në një proces të plotë diagnostik.

Trajnimi ka nisur më 20 Nëntor në Qendrën e Mjekësisë Sportive dhe do të vazhdojë deri më 6 Dhjetor.