U mbajt takimi i Kryetarëve të Odave të Profesionistëve Shëndetësorë
02 Dhjetorë 2025Sot, më datë 02 dhjetor 2025, në Odën e Mjekëve të Kosovës u mbajt takimi i Kryetarëve të Odave të Profesionistëve Shëndetësorë
Në këtë takim u diskutuan dy çështje kryesore: Ndërtimi i objektit të përbashkët të OPSH-ve, ku u prezantuan detajet lidhur me projektin, hapat e realizimit dhe dinamika e vendosjes së gurthemelit, i cili pritet të bëhet në ditët e ardhshme.
Funksionimi i platformës digjitale, ku u trajtuan sfidat aktuale të platformës, si dhe mundësitë për zhvillim të mëtejmë dhe avancim të proceseve të digjitalizimit të shërbimeve për profesionistët shëndetësorë.
Oda e Mjekëve të Kosovës mbetet e përkushtuar në transparencë, bashkëpunim ndërinstitucional dhe ofrimin e shërbimeve moderne për anëtarët e saj.
