BARTËT KOMPETENCA E MBIKËQYRJES ETIKE DHE PROFESIONALE NGA MINISTRIA E SHËNDETËSISË TEK ODA E MJEKËVE TË KOSOVËS
23 Shkurt 2018Në bazë të rekomandimit të Komisionit për Hartimin e Planit të Veprimit për procesin e bartjes së kompetencave publike nga Ministria e Shëndetësisë tek OMK-ja, Ministri i Shëndetësisë, z. Uran Ismaili, ka nxjerrë Vendimin me nr. 15/18, datës 22.02.2018 me të cilin është bërë bartja formale e kompetencës së mbikëqyrjes etike dhe profesionale tek organet kompetente të OMK-së.
Me bartjen e kompetecës së mbikëqyrjes etike dhe profesionale fillon vetërregullimi i komunitetit mjekësor, që nënkupton ngritje e ndërgjegjshmërisë ndaj pacientëve dhe përgjegjësi profesionale nga doktorët e mjekësisë. Kjo mbikëqyrje është edhe në shërbim të ruajtjes së integritetit profesional dhe etik të mjekut karshi tendencave kompromentuese.
Në fund, shfrytëzojmë rastin ta falenderojmë Ministrin e Shëndetësisë, z. Uran Ismaili, për angazhimin e tij për të përmirësuar sistemin shëndetësor, duke u fokusuar edhe në funksionalizimin e plotë të Odës së Mjekëve.
