Njoftim për pranimin e dokumentacionit në gjuhët zyrtare

Të nderuar anëtarë të OMK-së,

Ju njoftojmë se sipas Ligjit Nr. 02/L-37, neni 2, paragrafi 1, për përdorimin e gjuhëve në Republikën e Kosovës, gjuha shqipe dhe gjuha serbe janë gjuhë zyrtare në institucionet e Kosovës dhe kanë status të barabartë.

Anëtarët e OMK-së kanë marrë shërbimet vetëm në këto dy gjuhë dhe do të vazhdojnë ti marrin tutje, duke përfshirë aplikimet apo dorëzimet e dokumentacioneve përcjellëse që dorëzohen në
Odën e Mjekëve të Kosovës.

Sipas ligjit të lartëcekur administrata e OMK-së si dhe organet e OMK-së, janë të obliguar të mos pranojnë dokumente që kanë përmbajtje të gjuhëve të tjera, duke nënkuptuar të gjitha kërkesat për shërbimet që OMK i ofron duhet të jenë në gjuhën shqipe apo serbe.

Pra, çdo dokument që dëshmon shkollimin tuaj akademik apo specialistik, çertifikatat që dëshmojnë Edukimin e Vazhdueshëm Profesional, dhe çdo dokument tjetër relevant i kërkuar për inicimin e proceduave administrative, të fituara jashtë vendit dhe që nuk janë në gjuhët zyrtare në Republikën e Kosovës, duhet të jenë të përkthyera nga përkthyes të licencuar nga Këshilli Gjyqësor i Kosovës.