Lansohet platforma e Odës së Mjekëve të Kosovës për anëtarët e saj

Të nderuar anëtarë të OMK-së,

Digjitalizimi i shërbimeve të OMK-së ndaj anëtarëve të saj, pas shumë viteve angazhim dhe përkushtim në punë, tashmë është një sukses.

Me kënaqësi ju njoftojmë se Oda e Mjekëve të Kosovës për herë të parë, ka digjitalizuar shërbimet e saj përmes platformës së re, ku ju mund të kryeni këto shërbime nga shtëpia ose vendi ku punoni:

Të aplikoni për anëtarësim, licencim dhe rilicencim,
Të aplikoni për akreditim të pikëve për EVP,
Të paraqitni kërkesën për faksimil,
Kërkesën për leje hulumtim biomjekësor,
Kërkesën për certifikatë të kaluarës etike dhe profesionale,
Kërkesë për përkrahje financiare nga fondi i solidaritetit,
si dhe kërkesat tjera lidhur me shërbimet e OMK-së.

Shërbime të cilat deri më tani kemi pasur mundësinë t’i ofrojmë vetëm në formë fizike, tani ato mund ti merrni online.

Linku i platformës në të cilën mund të merrni këto shërbime e gjeni të bashkangjitur më poshtë:

https://online.omk-rks.org

Gjithashtu ju njoftojmë se anëtarët aktual të OMK-së, në mënyrë që të kyçen direkt në platformë, duhet të ndjekin një proces të plotësimit të të dhënave dhe gjatë ditës do të keni video informuese për këtë proces.

Gjatë ditës do të publikojmë edhe videot udhëzuese për ta pasur sa më të qartë kyçjen në platformë. Për çdo paqartësi ju lutem të kontaktoni në nr: 049872070 ose në e-mailin zyrtar: platforma@omk-rks.org

Ky projekt është financuar nga Qeveria e Dukatës së Madhe të Luxemburgut.

Oda e Mjekëve të Kosovës është gjithmonë në shërbim të anëtarëve të saj, për t’iu lehtësuar marrjen e shërbimeve.