Oda e Mjekëve të Kosovës nënshkruan edhe dy marrëveshje

Oda e Mjekëve të Kosovës me qëllim përfitimin e shërbimeve më të mira dhe më të lira për anëtarët e saj,permes procesit të konkurrencës së hapur ka përzgjedhur dhe nënshkruar edhe dy marrëveshje në fushën e sigurimeve shëndetësore dhe atë të ofrimit të lehtësirave për blerjen e automjeteve me çmime më të volitshme bazuar në  çmimet të cilat i ofron tregu kosovar.

Marrëveshja e bashkëpunimit për sigurime shëndetësore është bërë me Kompaninë e Sigurimeve ” SCARDIAN” J.S.C., e cila anëtarëve të OMK-së do t’iu mundësoj ofertë të veçantë lidhur me sigurimet shëndetësore, ndryshe nga ofertat të cilat ofrohen për sigurime shëndetësore individuale.

Poashtu, në kuadër të marrëveshjeve të bashkëpunimit OMK ka bërë marrëveshjen e bashkëpunimit edhe me Kompaninë për shitjen e automjeteve ”AUTOSHTËPIA SIQANI”, e cila për anëtarët e OMK-së do të ofrojë zbritje me rastin e blerjes së veturës së re nga cilido anëtarë i Odës.

Anëtarët e OMK-së të interesuar për këto oferta, duhet të drejtohen përfaqësive të kompanive respektive dhe me rastin e marrjes së shërbimit të prezentojnë Kartelën Identifikuese të anëtarit të OMK-së.

Marrëveshjet ndërmjet anëtarëve të OMK-së dhe Kompanive respektive bëhen në mënyrë individuale dhe voluntere.

Për çdo sqarim shtesë si dhe ofertat konkrete, Ju lutem të kontaktoni Zyrat respektive apo Shërbimin Profesional të OMK-së.