Kryetari i OMK-së merr pjesë në takimin e rradhës të Komitetit të Përhershëm Evropian të Mjekëve (CPME)

Kryetari i Odës së Mjekëve të Kosovës, dr Pleurat Sejdiu po merr pjesë në punimet e takimit të rradhës së Komitetit të Përhershëm Evropian të Mjekëve (CPME), pjesëmarrja e parë kjo pas anëtarësimit të OMK-së në këtë institucion ndërkombëtar.

Oda e Mjekëve të Kosovës falë angazhimit të saj ka marrë statusin e  anëtares vëzhguese në këtë organizatë që nga data 10 nëntor 2018.

Komiteti i Përhershëm Evropian i Mjekëve (CPME) përfaqëson shoqatat kombëtare mjekësore në të gjithë Evropën. Ky institucion ndërkombëtar është përkushtuar për të kontribuar në pikëpamjen e profesionit të mjekut ndaj institucioneve të BE-së dhe politikëbërjes evropiane përmes bashkëpunimit pro-aktiv në një gamë të gjerë të çështjeve shëndetësore.

Komiteteti i Përhershëm Evropian i Mjekëve mendon se cilësia më e mirë e mundshme e shëndetit dhe qasja në kujdesin shëndetësor duhet të jetë realitet për të gjithë. Dhe se marrëdhënia pacient-mjek është çështje themelore në arritjen e këtyre objektivave.

CPME është e përkushtuar poashtu edhe ndaj bashkëpunimit ndërdisiplinor midis mjekëve dhe profesioneve të tjera shëndetësore.