Ftesë për sponzorizim të Kongresit të VI të Mjekësisë, me temën “Sfidat e Diagnostikës së Mijëvjeçarit”.

Përmes këtij njoftimi, dëshirojmë të ju informojmë së Oda e Mjekëve të Kosovës po organizon Kongresin e VI të Mjekësisë me temën “Sfidat e Diagnostikës së Mijëvjeçarit”, i cili do të mbahet me 18-19 Tetor 2024, në Hotel Emerald, në Prishtinë.

Ky është edicioni i gjashtë i Kongresit dhe Panairit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe paisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Kompanitë do të shfaqin produktet dhe shërbimet e tyre në Pavionin Mjekësor dhe gjithashtu do të mbahen edhe Sesione të Punëtorive lidhur me produkte të ekspozuara gjatë panairit. Ekspertë ndërkombëtar dhe vendor do të prezantojnë në Kongres punimet dhe ligjeratat e tyre mbi të arriturat e fundit në lëminë e shkencave mjekësore. Në këtë aktivitet pritet të ketë deri në 2000 pjesëmarrës.

Prandaj, shfrytëzojmë rastin të ju ftojmë të paraqitni ofertën tuaj për të qenë pjesë e Kongresit të VI të Mjekësisë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit të institucionit tuaj dhe rrjetëzimin e komunitetit mjekësor në përgjithësi.

Shënim: Do të ketë tre (3) lloje të sponzoreve të cilët do të përzgjidhen sipas ofertës më të lartë:

• Sponzor të Artë (do të jetë vetëm një);

• Sponzor të Argjendtë dhe;

• Sponsor të Bronztë.

Ofertat për sponsorizim duhet të sillen fizikisht në zyret e OMK-së, jo më larg se 31 Korrik 2024.

Për më shumë mund të na kontaktoni në numër 049 872 305 apo të vini në zyret tona në adresën QKUK, Instituti A, Kati i III, 10 000 – Prishtinë.