Mbahet punëtoria për njohjen e kualifikimeve profesionale

Është mbajtur punëtoria e rradhës ndërmjet përfaqësuesve të Odave të Profesionistëve Shëndetësor dhe Ekspertit për Çështje të Arsimit Prof. Dukagjin Pupovci, në kuadër të Projektit të BE-së për njohjen reciproke të kualifikimeve profesionale të shteteve të rajonit, nënshkruese të marrëveshjes së Berlinit nga Qeveritë e shteteve respektive.

Punëtoria kishte fokus temën”teoria e ndryshimit”, përmes të cilës do të përgatiten institucionet relevante në këtë rast OPSh-të, në aspektin e infrastrukturës ligjore dhe njerëzore për zbatimin e kësaj marrëveshje e cila tashmë është obligim për Republikën e Kosovës, marrë parasysh faktin që e njejta është ratifikuar nga Parlamenti i Kosovës për profesionet shëndetësore.

Ky takim ishte frutdhënës, ku secila Odë i dha inputet e tyre lidhur me përgatitjen e institucioneve në zbatim të kësaj marrëveshjeje rajonale.

Projekti i BE-së për njohjen e kualifikimeve profesionale, nuk ka për qëllim përgatitjen e institucionece vetëm në zbatim të kësaj marrëveshjeje por zhvillohet si projekt për përgatitjen e institucioneve relevante dhe infrastrukturës ligjore në harmoni me direktivat e BE-së, që janë parakusht për anëtarësimin e shtetit tonë në BE, ku Odat e Profesionistëve Shëndetësor kanë një rol të rëndësishëm.