Organizimi i profilizimeve, takim me Oden e Mjekëve të Kroacisë dhe institucionet shëndetësore në Kroaci

Në kuadër të marrëveshjes së bashkëpunimit dhe bashkëfinancimit për profilizimin e mjekëve, me qëllim të ngritjeve të kuadrove të stafit shëndetësor, përfaqësues nga Oda e Mjekëve të Kosovës dhe SHSKUK janë në vizitë në Zagreb për pjesëmarrje në takim në Odën e Mjekëve të Kroacisë dhe Institucionet Shëndetësore në Kroaci për bashkëpunim në organizimin e profilizimeve dhe implementimin e kësaj marrëveshjeje.

Në këtë takim po merr pjesë kryetari i Odës së Mjekëve, Dr. Pleurat Sejdiu, nënkryetari i Odës së Mjekëve të Kosovës, Dr. Rrezart Halili, si dhe drejtori i SHSKUK-së, z. Elvir Azizi dhe nga Oda e Mjekëve të Kroacisë është Dr. Krešimir Luetić, kryetar i Odës së Mjekëve të Kroacisë bashkë me stafin e tij, si dhe drejtori i Qëndrës klinike spitalore prof.dr.sc. Davor Vagić.

Objektivi kryesor i organizimit të profilizimeve është të përditësojmë njohuritë dhe aftësitë e profesionistëve mjekësor përmes edukimit të vazhdueshëm dhe praktikave të ndryshme klinike.

Së shpejti do të nënshkruhet marrëveshja e bashkëpunimit dhe grupi i parë i mjekëve do të shkoj në trajnim për profilizim. Profilizimet do të organizohen me kohëzgjatje deri në tre muaj, varësisht nga lëmia e specializimit dhe nevoja.