Oda e Mjekëve të Kosovës – 10 Vite Punë dhe Përkushtim

U mbajt ceremonia solemne e 10 vjetorit të themelimit të Odës së Mjekëve të Kosovës.

Në këtë ceremoni, Kryetari i Odës së Mjekëve, Dr. Pleurat Sejdiu falënderoi pjesëmarrësit dhe të gjithë kontributdhënësit në Odën e Mjekëve të Kosovës, ku edhe tha se pa ju nuk do ishte sot një OMK e suksesshme.

Dr. Arben Vitia, Ministër i Shëndetësisë, përshëndeti të pranishmit dhe falënderoi në veçanti Dr. Pleurat Sejdiun për kontributin e tij dhe të OMK-së në udhëzimin e ri admnistrativ si dhe e ftoi të adresoj çështjet problematike shëndetësore, për bashkëpunime të mundshme.

Dr. Frank Ulrich Montgomery, Kryetar Nderi i Shoqatës Mjekësore Gjermane, falënderoi OMK-në për ftesën dhe uroi që punët e Odës të ecin mbarë deri në vizitën e tij të ardhshme.

Dr. Otmar Klöiber, Sekretar i Përgjithshëm nga Shoqata Botërore e Mjekësisë, tha se është i lumtur që pas 10 viteve të suksesshme jemi këtu dhe se Odën e presin hapa të tjerë të rëndësishëm përpara.

Dr. Ramin Parsa- Parsi, Udhëheqës i Departamentit për Çështje Ndërkombëtare, Shoqata Mjekësore Gjermane, përmendi shkurtimisht sfidat e themelimt të OMK-së dhe anëtarësimit të saj në CPME. Ai gjithashtu tha se këto janë frutat e punës tuaj të palodhshme dhe se është një proces i vazhdueshëm i punës.

Në fund u hap ekspozita me titull ” Mjeku Kosovar ndër dekada”.