Afrim Gashi – SKLEROZA SISTEMIKE – SKLERODERMA
24 Korrik 2023Afrim Gashi – SKLEROZA SISTEMIKE – SKLERODERMA
“Lëndim Skleroza sistemike, apo skleroderma është sëmundje kronike, multisistemike e ndërmjetësuar imunologjikisht që karakterizohet nga aktiviteti i çrregullt i sistemit imunitar, dëmtimi vaskular i ndjekur nga neovaskularizimi dhe remodelimi vazal defektoz, si dhe fibroza progresive e lëkurës dhe organeve të brendshme. Vaskulopatia duket se luan rol vendimtar në nxitjen e rrugës patogjenike midis autoimunitetit dhe fibrozës. Fazat e hershme të sëmundjes karakterizohen nga prania e fenomenit Raynaud në pothuajse të gjithë pacientët, e ndjekur nga shfaqja e gishtërinjve të fryrë – “puffy fingers”, prania e antitrupave SSc specifike dhe ndryshimet mikrovaskulare të dukshme me kapilaroskopi. Aktualisht, faza e hershme e sëmundjes është një nga fokuset kryesore të studimeve klinike meqë potencialisht përfaqëson periudhën e aktivizimit të imunitetit me ndjeshmërinë më të lartë ndaj trajtimit imunosupresiv. Gjatë ecurisë së sëmundjes, në pacientë të ndryshëm variabiliteti i prekjes së organeve të brendshme është shumë i lartë dhe karakterizohet me një sërë simptomash klinike duke përfshirë: sklerozën e lëkurës, ulcerat digjitale (DU), sëmundjen intersticiale të mushkërive (ILD), hipertensionin pulmonar (PAH), fibrozën kardiake, çrregullimet gastrointestinale, mosfunksionimin e mëlçisë dhe krizën renale sklerodermike. Varësisht nga gjetjet klinike, të dhënat serologjike dhe prognoza skleroza sistemike grupohet në sklerodermën e lokalizuar (morfenë), sklerozën sistemike të limituar (LcSSc; më parë të referuar si sindroma CREST), sklerozën sistemike difuze (DcSSc) dhe sklerozën sistemike pa sklerodermë (sine scleroderma).”
Revista Mjeku, Vëllimi 3, Numri 2; Skleroza sistemike – skleroderma, artikull nga Afrim Gashi.
Ju ftojmë ta lexoni artikullin e plotë:
