U mbajt ceremonia përkujtimore në nderim të Profesionistëve Shëndetësor, 16 shkurt.

U mbajt ceremonia përkujtimore në nderim të Profesionistëve Shëndetësor, 16 shkurt.

Kryetarët e Odave të Profesionistëve Shëndetësorë përkujtuan kontributin dhe sakrificën e Profesionistëve Shëndetësor ndër vite, që nga persekutimet e viteve ’50, demonstratat e viteve ’68, ’81, helmimet e nxënësve shqiptar, të demonstratave të ’89-tës, luftën e UÇK-së e deri tek periudha e pandemisë ku sakrifikuan jetën dhe familjarët e tyre në krye të detyrës.

Kryetari i Odës së Mjekëve të Kosovës, Dr. Pleurat Sejdiu tha se i përulemi përjetësisht mjekëve dhe të gjithë Profesionistëve Shëndetësor për kontributin e dhënë për dekada. Ai gjithashtu tha se duhet të jemi të bashkuar në mënyrë që të arrijmë rezultate pozitive në çdo aspekt.

Ministri i Shëndetësisë, Dr. Arben Vitia u shpreh se është falënderues ndaj përkushtimit dhe angazhimit të Profesionistëve Shëndetësor ndër vite dhe falënderoi Kryetarët e OPSH-ve për këtë inciativë të ndërmarrë, realizimin e monumentit Obelisku në nderim të Profesionistëve Shëndetësor.

Kryetarët e Odave të Profesionistëve Shëndetësorë gjithashtu shprehën mirënjohje dhe falënderime.