Prof. Ass. Dr. Vera Kukaj – NEUROPATIA DIABETIKE – SHKAQET, SIMPTOMAT, DIAGNOSTIKIMI, TRAJTIMI

Prof. Ass. Dr. Vera Kukaj – NEUROPATIA DIABETIKE – SHKAQET, SIMPTOMAT, DIAGNOSTIKIMI, TRAJTIMI

“Neuropatia diabetike (ND) është shkaku më i shpeshtë i neuropatisë në mbarë botën dhe prevalenca e saj rritet me kohëzgjatjen e diabetit. Mbi 50% të pacientëve me diabet melit (DM), zhvillojnë ND. Forma më e shpeshtë e ND është polineuropatia sensoro-motorike distale simetrike e cila ka shtrirje simetrike, fillon në pjesët distale të ekstremiteteve, ka simptoma karakteristike të mpirjes të tipit “të çorapëve dhe të dorëzave” dhe karakterizohet me ecuri të ngadalshme. ND mund t’i prekë edhe fijet autonome e që përcillet me çrregullime të drejtpeshimit, pengesa në sistemin tretës, djersitje të shtuar. Neuropatia diabetike mund të shfaqet te diabeti melit i tipit 1 (DMT1) ose te diabeti melit tipi 2 (DMT2). Shfaqja e ND, e përcjellur me dhimbje është një komplikim i shpeshtë i DM kronik e që shoqërohet me paaftësi të konsiderueshme për punë dhe me shpenzime të larta të kujdesit shëndetësor dhe ky komplikim i sëmundjes ka ndikim të rëndësishëm në cilësinë e jetës, duke shkaktuar dhimbje kronike, mpirje, djegie, therje në duar dhe në këmbë, më shumë në gjymtyrët e poshtme. Mundësia e shërimit nga ND është e kufizuar derisa parandalimi mbetet qëllimi kryesor i trajtimit të kësaj sëmundjeje. Për të ndikuar në përmirësimin e kualitetit të jetës, fokusi i trajtimit të ND mbetet në trajtimin e dhimbjes neuropatike.”

Revista Mjeku, Vëllimi 2, Numri 4; Neuropatia diabetike – Shkaqet, simptomat, diagnostikimi, trajtimi artikull nga Prof. Ass. Dr. Vera Kukaj.

Ju ftojmë ta lexoni artikullin e plotë:

Revista Mjeku – Diabeti Fq. 49-51