Oda e Mjekëve të Kosovës dhe Odat e Profesionistëve Shëdndetësor përfitojnë projekt mbi digjitalizimin e plotë të shërbimeve për anëtarë nga Lux Development!

Oda e Mjekëve të Kosovës së bashku me përfaqësues të Odave tjera të Profesionistëve Shëndetësor dhe përfaqësues nga projekti Lux Dev mbajtën takim me kompaninë Kutia (implementuese e projektit) si fillim i punës në digjitalizimin e plotë të të gjitha shërbimeve.

Ky projekt financohet në plotëni nga Projekti i Qeverisë së Luxemburgut KSV/017 (në vlerë afër 100 mijë euro) në kuadër të mbështetjes për Odat e Profesionistëve Shëndetësorë. Qëllimi i këtij projekti është që të zhvillohet një sistem digjital, në të cilin do të grumbulloheshin të dhënat e të gjithë anëtarëve të të gjitha OPSH-ve përkatëse dhe përmes tij do të bëhet menaxhimi digjital i aktiviteteve të ndryshme si: antarësimi, licencimi, re-licencimi, edukimi i vazhdueshëm profesional, regjistrat e mbikqyrjes etiko profesionale dhe shërbimet tjera të cilat ofrojnë odat përkatëse.

Oda e Mjekëve të Kosovës, në emër të të gjithë anëtarëve i falenderohet projektit KSV/017 pasi që presim që ky digjitalizim do të ketë ndikim të jashtëzakonshëm në ekonomizimin e kohës së anëtarëve të OMK-së.

Projekti është në fazë të implementimit dhe do të fillojë së zbatuari nga Shtatori 2023.