Takohen kryesitë e OMK-së dhe FSSHKS-së

Sot në hapësirat e zyreve të Odës së Mjekëve të Kosovës, janë takuar kryetarët dhe nënkryetarët e Odës së Mjekëve të Kosovës (OMK) dhe Federatës së Sindikatave të Shëndetësisë së Kosovës (FSSHK).

Qëllimi i këtij takimi ishte diskutimi rreth problematikës së Ligjit për nivelizimin e pagave dhe përcaktimit të koeficientit sipas nivelit profesional dhe menaxherial.

Në vazhdën e diskutimit, në këtë takim u morr qëndrim i përbashkët i OMK-së dhe FSSHK-së, që të punohet bashkërisht në revidimin e Ligjit për Shëndetësi. Poashtu, në koordinimin e aktiviteteve në drejtim të mbrojtjes institucionale për profesionistët shëndetësor që ushtrojnë veprimtarinë mjekësore në institucionet shëndetësore në Republikën e Kosovës.

Që të dyja këto institucione u zotuan që të dalin njëzëri për çështjet që janë në interes të mjekëve.