Kursi i Kirurgjisë minimale invazive dhe urologjisë së fëmijëve ka filluar punimet
13 Shtator 2022Kursi i Kirurgjisë minimale invazive dhe urologjisë së fëmijëve ka filluar punimet dhe po mbahet në Hotel Emerald, në Prishtinë.
Ngjarje kjo e bashkëorganizuar nga Oda e Mjekëve të Kosovës, Shoqata Europiane e Kirurgëve Pediatrik dhe Shoqata e Kirurgëve Pediatrik të Kosovës.
Hapjen e këtyre punimeve e bëri Dr. Dëfrim Koçinaj ku falënderoi pjesëmarrësit dhe bashkëorganizatorët për organizimin e këtij Kursi me rëndësi për mjekët dhe kirurgët tanë.
I pranishëm ishte edhe Ministri i Shëndetësisë, Dr. Rifat Latifi, ku në fjalimin e tij falënderoi organizatat që kontribuan në organizimin dhe tha se ne si Ministri e Shëndetësisë në bashkëpunim me Odën e Mjekëve të Kosovës duhet të krijojmë një platformë të re e cila do të ju shërbejë në punë 15 kirurgëve tanë pediatrik.
Ndërsa kryetari i Odës së Mjekëve, Dr. Pleurat Sejdiu tha se është i nderuar për mundësinë e dhënë nga EPSA për të organizuar këtë aktivitet në Kosovë.
Prof. Martin Lacher, drejtor i departamentit pediatrik në Universitetin e Leipzig, tregoi se ka vizituar Prishtinën dhe përshkroi eksperiencën e tij në vendin tonë. Punimi i parë i këtij kursi u prezantua nga Prof. Martin Lacher për të vazhduar me punimet dhe pjesëmarrësit e tjerë tutje.
Në këtë aktivitet do të jenë të pranishëm ligjërues ekspertë nga Britania e Madhe, Turqia Gjermania, Holanda dhe Franca, mjekë të fushave përkatëse dhe punimet e këtij aktiviteti do të vazhdojnë edhe nesër duke filluar nga ora 09:00, në Hotel Emerald, në Prishtinë.
