Oda e Mjekëve të Kosovës nënshkruan Memorandum me Spitalin e Gjilanit dhe Prizrenit
25 Mars 2022Sot në Odën e Mjekëve u nënshkruan Marrëveshjet për financim të trajnimeve mes OMK-së dhe Spitaleve të Gjilanit e Prizrenit.
Kryetari i Odës së Mjekëve, Dr. Pleurat Sejdiu, në këtë takim priti Drejtorin Gjeneral të Agjencisë LuxDev, z.Gaston Schwartz, Drejtorin ekzekutiv të Spitalit të Përgjithshëm të Prizrenit Prof. Asoc. Dr. Afrim Avdaj dhe drejtorin e Spitalit të Përgjithshëm të Gjilanit Dr. Arsim Emini.
Marrëveshja ka të bëjë me zbatimin e aktiviteteve të programit për trajnimin dhe zhvillimin profesional të mjekëve të spitaleve përkatëse. Program i cili është hartuar mbi planin e menaxhimit të burimeve njerëzore për periudhën 2022-2026 dhe përmes këtyre trajnimeve mjekët e këtyre spitaleve do të kenë mundësi të ngrisin shkathtësitë dhe njohuritë e tyre në aspektin profesional.
Fondet janë siguruar nga Oda e Mjekëve dhe nga fondet e LuxDev.
Takimi u përmbyll duke urar që të kenë bashkëpunime tjera tutje.
