Menaxhmenti dhe Mjekët e Spitalit të Përgjithshëm të Gjilanit dhe Prizrenit po vijojnë trajnimet profesionale organizuar nga OMK

Oda e Mjekëve të Kosovës ka filluar me implementimin e Programit për Mbështetjen e Shëndetësisë në Kosovë, me fokus në Sistemin e menaxhimit të cilësisë dhe zhvillimin e aftësive udhëheqëse dhe menaxheriale të Spitaleve, trajnim ky për menaxhmentin dhe mjekët e Spitalit të Përgjithshëm të Prizrenit dhe Spitalit të Përgjithshëm të Gjilanit.

Z. Gramoz Jakupi, përfaqësues nga Oda e Mjekëve të Kosovës, falënderoi të ftuarit dhe pjesëmarrësit e kësaj trajnimi dhe njoftoi të pranishmit se ligjeratat e këtij trajnimi janë pjesë e Marrëveshjes për trajnime ndërmjet OMK-së, Siptalit të Përgjithshëm të Gjilanit , Spitalit të Përgjithshëm të Prizrenit dhe Spitalit të Përgjithshëm në Izola. Ai gjithashtu theksoi se krahas këtij trajnimi në kuadër të marrëveshjes me Spitalet Sllovene, do të ketë edhe trajnime profesionale të tjera nga fusha e kardiologjisë intervente, gastroenterologjisë dhe laparaskopisë që do të organizohen gjatë këtij viti.

Z. Radivoj Nardin, Drejtor gjeneral i Spitalit të Përgjithshëm Izola, Znj. Nevenka Romih, drejtoreshë e planifikimit, zhvillimit dhe financave e Spitalit të Përgjithshëm Izola dhe Z. Marko Markežič, drejtor i departamentit të teknologjisë informative dhe mirëmbajtjes teknike i Spitalit të Përgjithshëm Izola, janë të ftuarit që po ligjërojnë specifikisht për transformimin dixhital të spitalit, plani analitik dhe zhvillimi në spital, mjetet e menaxhimit në spital, planifikimi dhe fokusimi i menaxhimit për Spitalin, etj.

Organizimi i trajnimeve për mjekët e Spitalit të Përgjithshëm të Gjilanit dhe Prizrenit vijnë si rezultat i zbatimit të aktiviteteve të Marrëveshjes së Delegimit për Fonde dhe Zbatim (MDZF) ndërmjet Odës së Mjekëve të Kosovës dhe LuxDev.