⬇️ Këtu mund të verifikoni të dhënat tuaja në regjistrin e OMK-së. 

Siç jeni të njoftuar paraprakisht, OMK-ja ka filluar procesin e përgatitjes së faksimileve (vulave) profesionale të mjekëve. Faksimilet e tilla përmbajnë të dhënat e referuara sipas dispozitave të Rregullores për Regjistrimin, Licencimin dhe Rilicenimin e Mjekëve. Është tejet e rëndësishme që gjatë procesit përgatitor të dhënat që do të përpunohen nga Shërbimi Profesional në korespondim me Operatorin Ekonomik i cili do të bëj furnizimin me faksimile, të dhënat e tilla të jenë të sakta dhe të përputhshme me të dhënat reale.

Për arsye të tilla, përmes kësaj makine të kërkimit të të dhënave, Ju do të keni mundësi që të kontrolloni të dhënat Tuaja dhe për çdo gabim eventual apo ndryshim të të dhënave që është bërë ndërkohë, t’i paraqitni vërejtjet e tilla pranë Shërbimit Profesional (email: info@omk-rks.org, tel: 049872300).

Vërejtje: Në bazën e të dhënave gjenden vetëm mjekët të cilët janë anëtarë të OMK-së. Në rast se të dhënat Tuaja nuk gjenden në bazën e të dhënave, kjo nënkupton se Ju nuk jeni anëtar i OMK-së. Për tu pajisur me faksimilin unik, Ju duhet së pari të anëtarësoheni dhe t’i kryeni obligimet e nevojshme ndaj OMK-së.

Pas datës 1 janar 2019 asnjë faksimil tjetër përpos faksimilit të lëshuar nga OMK-ja nuk do të jetë valid. Përdorimi i faksimileve të tjera paraqet veprim që është në kundërshtim të autorizimeve ligjore dhe për këtë secili përdorues do të ketë përgjegjësi individuale që mund të rezultojë me përgjegjësi penale.

Oda e Mjekëve të Kosovës