​​​​Viz​​itë e Spitaleve të Përgjithshme Izola, Celje dhe Murska Sobota si partnerë potencialë të ardhshëm për nënshkrimin e memorandumit të mirëkuptimit me Odën e Mjekëve të Kosovës

Përfaqësues nga Oda e Mjekëve të Kosovës në bashkëpunim me përfaqësues nga projekti i Qeverisë së Luksemburgut për shëndetësi KSV/017 dhe përfaqësues nga Spitali i Përgjithshëm i Gjilani dhe Prizrenit kanë vizituar Spitalin e Përgjithshëm Izola, Murska Sobota dhe Celje në Slloveni. Qëllimi i kësaj vizite është për të diskutuar dhe finalizuar draft marrëveshjen për realizimin e trajnimeve profesionale për mjekët e Spitalit të Përgjithshëm të Gjilanit dhe Prizrenit. Kjo marrëveshje bashkëpunimi do të shërbejë si platformë për shkëmbimin e përvojave më të mira dhe gjithashtu do t’u mundësojë mjekëve të Spitaleve të Prizrenit të Gjilanit dhe Spitaleve Sllovene të përfitojnë dhe zhvillohen profesionalisht përmes shkëmbimit të përvojave.\

Gjatë këtyre vizitave, delegacioni i Kosovës në Spitalin e Përgjithshëm Izola, Murska Sobota dhe Celje paten mundësinë të shohin nga afër funksionimin e spitaleve Sllovene, ku gjithashtu u shqyrtuan trajnimet dhe lëmitë e mundëshme për bashkëpunimin e ardhshëm në kuadër të memorandumit të mirëkuptimit që planifikohet të lidhet më datë 16 mars 2023 në Prishtinë.

Mjekët e Spitalit të Gjilanit dhe Prizrenit do të përfitojnë nga marrëveshja e trajnimeve profesionale që do zgjasin sipas kërkesave dhe nevojave, e që kryesisht do të jenë të fokusuara nga lëmia e Kardiologjisë intervente, Laparaskopisë, Mjekësisë Emergjente dhe Menaxhimit shëndetësor dhe cilësisë të Spitaleve.

Organizimi i trajnimeve për mjekët e Spitalit të Përgjithshëm të Gjilanit dhe Prizrenit vijnë si rezultat i zbatimit të aktiviteteve të Marrëveshjes së Delegimit për Fonde dhe Zbatim (DAFI KSV/017 21 2749) ndërmjet Odës së Mjekëve të Kosovës dhe projektit Lux Dev, financuar nga qeveria e Luksemburgut.

Në kuadër të bashkëpunimit me spitalet Sllovene, me datë 16 mars 2023 do të organizohen ligjerata profesionale kryesisht nga lëmia e Kardiologjisë,  Mjekësisë Emergjente dhe Menaxhimit shëndetësor dhe cilësisë të Spitaleve.