Vendoset flamuri gjigant “LIRIA KA EMËR”

Në selinë e Odës së Mjekëve të Kosovës është vendosur flamuri gjigant me mbishkrimin “Liria ka emër”, si shenjë nderimi dhe respekti për çlirimtarët, të cilët sakrifikuan për lirinë dhe dinjitetin e vendit tonë.

Ky mesazh vjen në një periudhë veçanërisht të rëndësishme, kur edhe pak ditë na ndajnë nga verdikti final, të cilin e presim me besim dhe shpresë për drejtësi.

Në këtë moment të rëndësishëm, mesazhi “Liria ka emër” përçon një thirrje të qartë për të mos harruar sakrificën e atyre që kontribuuan për lirinë e Kosovës dhe për të kërkuar drejtësi për çlirimtarët.

Me respekt dhe dinjitet, vazhdojmë të besojmë se e vërteta dhe drejtësia do të triumfojnë.