THIRRJE PËR SPONSORIZIM DHE PJESËMARRJE NË PANAIRIN MJEKËSOR – Kongresi VIII i Mjekësisë i Odës së Mjekëve të Kosovës

Kongresi VIII i Mjekësisë i Odës së Mjekëve të Kosovës

22–24 tetor 2026 | Hotel Emerald, Prishtinë

Tema e Kongresit: “Promovimi dhe Edukimi Shëndetësor – Në 40-vjetorin e Kartës së Otavës: Së bashku për shëndet dhe mirëqenie.”

Oda e Mjekëve të Kosovës ka kënaqësinë t’ju ftojë të bëheni sponsor dhe partner i Kongresit VIII të Mjekësisë, ngjarjes më të madhe shkencore dhe profesionale mjekësore në Republikën e Kosovës, e cila do të mbahet më 22–24 tetor 2026 në Hotel Emerald, Prishtinë.

Në shënim të 40-vjetorit të miratimit të Kartës së Otavës për Promovimin e Shëndetit, Kongresi do të shërbejë si një platformë ndërkombëtare për diskutimin e sfidave dhe zhvillimeve bashkëkohore në promovimin e shëndetit, parandalimin e sëmundjeve, edukimin mjekësor, shëndetin publik dhe praktikën klinike.

Në Kongres pritet të marrin pjesë mbi 2,000 mjekë dhe profesionistë shëndetësorë nga Kosova, rajoni dhe vende të tjera, si dhe ligjërues të ftuar, studiues, akademikë, politikëbërës dhe ekspertë të njohur ndërkombëtarë. Programi shkencor do të përfshijë ligjërata plenare, sesione shkencore, punëtori, diskutime panelesh dhe aktivitete të rrjetëzimit profesional.

Në kuadër të Kongresit do të organizohet edhe Panairi Mjekësor, i cili ofron një mundësi të shkëlqyer për kompanitë që të prezantojnë produktet, shërbimet, teknologjitë dhe pajisjet e tyre para një audience të gjerë profesionistësh të shëndetësisë dhe vendimmarrësish të sektorit.

Pjesëmarrja si sponsor i Kongresit ofron mundësi të rëndësishme për:

• Rritjen e dukshmërisë dhe promovimin e markës suaj para një audience të specializuar profesionale
• Prezantimin e produkteve dhe shërbimeve më të reja në sektorin shëndetësor
• Forcimin e imazhit institucional përmes mbështetjes së një ngjarjeje me rëndësi kombëtare dhe ndërkombëtare
• Krijimin e kontakteve të reja dhe zhvillimin e bashkëpunimeve me institucione publike, private dhe organizata profesionale
• Ndërtimin e marrëdhënieve me profesionistë të shëndetësisë, akademikë dhe vendimmarrës nga Kosova dhe rajoni

Do të ofrohen dy kategori sponsorizimi:

• Sponsor i Artë
• Sponsor i Argjendtë

Kategoritë do të përcaktohen në bazë të ofertës financiare më të lartë të paraqitur, ndërsa sponsorët do të përfitojnë promovim dhe ekspozim në përputhje me paketën e sponsorizimit.

Ofertat për spozorizim duhet të sillen fizikisht në zyret e odës, jo më larg se 21 Gusht 2026.

Panairi Mjekësor

Përveç sponsorizimit, kompanitë mund të rezervojnë hapësira ekspozuese në Pavijonin Mjekësor.

Çmimi i hapësirës ekspozuese: 100 € për m²

Hapësirat në dispozicion janë:

• 8 m²
• 10 m²
• 15 m²

Numri i hapësirave është i kufizuar dhe rezervimi do të bëhet sipas renditjes së konfirmimit të rezervimit dhe pagesës.

Aplikimi

Ftojmë të gjitha kompanitë farmaceutike, distributorët e pajisjeve dhe teknologjisë mjekësore, laboratorët, institucionet financiare, kompanitë e sigurimeve, institucionet shëndetësore private dhe të gjithë partnerët e interesuar të bëhen pjesë e këtij organizimi të rëndësishëm.

Për informata shtesë lidhur me paketat e sponsorizimit, rezervimin e hapësirës ekspozuese dhe procedurën e aplikimit, ju lutemi kontaktoni Odën e Mjekëve të Kosovës.

Bashkohuni me ne në mbështetjen e një ngjarjeje që promovon shkencën, inovacionin dhe bashkëpunimin profesional në shërbim të përmirësimit të shëndetit dhe mirëqenies së qytetarëve.

Në panairet mjekësore të organizuara nga Oda e Mjekëve, mbi 61 kompani kanë dhënë vlerësimet më të larta për pjesëmarrjen në Panair, prandaj ju ftojmë për të aplikuar si ekspozues në Kongresin dhe Panairin e Mjekësisë. Aplikimi mund të bëhet duke dërguar apo sjellur ofertat interesim, ku do e cekni edhe preferencën e juaj për hapësirën ekspozuese sipas opsioneve të lartë përmendura.

Për më shumë mund të na kontaktoni në numër 049 872 305 apo të vini në zyret tona në adresën QKUK, Instituti A, Kati i III, 10 000 – Prishtinë.

Letër interesimi për pjesëmarrje në panair dërgohet në e-mail adresën: kongresi@omk-rks.org