Thirrje për dorëzimin e abstrakteve për Kongresin e VIII të Mjekësisë

Të nderuar,

ju njoftojmë se, duke filluar nga 1 korrik 2026, hapet thirrja për dorëzimin e abstrakteve.

Kongresi i VIII i Mjekësisë, me temën “Promovimi dhe Edukimi Shëndetësor – Në 40-vjetorin e Kartës së Otavës: Së bashku për shëndet dhe mirëqenie”, do të mbahet më 22–24 tetor 2026, në Hotel Emerald.

Kongresi synon të mbledhë mjekë, profesionistë shëndetësorë dhe ekspertë të fushave përkatëse, me qëllim të shkëmbimit të njohurive shkencore, prezantimit të rezultateve të hulumtimeve dhe diskutimit të sfidave bashkëkohore në mjekësi dhe shëndetësi.

Ftohen të gjithë profesionistët shëndetësorë, studiuesit dhe personat e interesuar që të paraqesin punimet dhe përvojat e tyre profesionale përmes dorëzimit të abstrakteve.

Afati për dorëzimin e abstrakteve është deri më 11 shtator 2026.

Abstraktet duhet të dorëzohen në adresën elektronike: kongresi@omk-rks.org.

Kriteret dhe udhëzimet për përgatitjen dhe dorëzimin e abstrakteve mund t’i gjeni në dokumentin e bashkëngjitur ose duke e shkarkuar në linkun më poshtë.

Mirëpresim pjesëmarrjen dhe kontributin tuaj në këtë ngjarje të rëndësishme shkencore, e cila synon të promovojë zhvillimin profesional dhe avancimin e praktikës mjekësore në Kosovë.