Sot shënohet dita ndërkombëtare e Epilepsisë

11 Shkurt 2019

Epilepsia mund të shfaqet në forma të ndryshme, ndërkohë që personat të cilët vuajnë nga kjo sëmundje duhet që t’i nënshtrohen një trajtimi të vazhdueshëm mjekësor por gjithashtu të gëzojnë edhe mbështetje sociale, siç janë trajtimet nëpër qendra të riaftësimit fiziko-mental.

Është një prej sëmundjeve më të shpeshta në neurologji dhe hyn në grupin ne sëmundjeve konvulsive, që manifestohet me ndryshim të thellë të vetëdijes dhe shtangimin e muskujve.

Sipas Organizatës Botërore të Shëndetësisë rreth 50 milionë njerëz në botë vuajnë nga epilepsia, e që praktikisht është mbingarkesë e një aktiviteti elektrik që zhvillohet periodikisht në tru dhe shkakton humbje ndjenjash dhe lëvizje të pakontrolluara.


Studimet tregojnë se numri i atyre që vuajnë nga epilepsia në vendet në zhvillim është dy herë më i madh duke u krahasuar me vendet e industrializuara.

Ndryshe, në botë janë të prekur më shumë se 50 milionë njerëz.

Sot, është edhe Dita Botërore e kësaj sëmundje, dhe do të shënohet edhe në Kosovë.

Për këtë qëllim do të ketë aktivitete duke filluar nga mbajtja e një tryeze të rrumbullakët, shpërndarja e materialeve edukativo shëndetësore, si dhe mesazhet në radio dhe TV .

Mbajtja e tryezës së rrumbullakët do të mbahet në Institutin Kombëtar të Shëndetësisë Publike të Kosovës, ndërsa shpërndarja e materialeve edukativo-shëndetësore bëhet pranë obeliskut “NEWBORN-it.