Prishtina mirëpret Kongresin e 14-të Ballkanik të ORL-së dhe Kirurgjisë së Kokës dhe Qafës

Nga 11 deri më 13 qershor 2026, në Prishtinë do të mbahet Kongresi i 14-të Ballkanik i Otorinolaringologjisë dhe Kirurgjisë së Kokës dhe Qafës, një nga ngjarjet më të rëndësishme shkencore në rajon. Kongresi organizohet nga Shoqata e Otorinolaringologëve dhe Kirurgëve të Kokës dhe Qafës e Kosovës në bashkëorganizim me Odën e Mjekëve të Kosovës dhe partnerë të rëndësishëm ndërkombëtarë.

Kongresi do të mbledhë qindra profesionistë shëndetësorë dhe dhjetëra ligjërues të njohur ndërkombëtarë, të cilët do të prezantojnë zhvillimet më të fundit shkencore dhe klinike në fushën e ORL-së dhe kirurgjisë së kokës dhe qafës. Ky aktivitet paraqet një mundësi të rëndësishme për shkëmbimin e njohurive profesionale dhe forcimin e bashkëpunimit rajonal dhe evropian.

Oda e Mjekëve të Kosovës është krenare që përkrah këtë ngjarje të rëndësishme shkencore dhe fton specialistët e otorinolaringologjisë dhe të gjithë pjesëmarrësit e regjistruar në Kongres të njihen me ligjëruesit e kongresit në linkun vijues:

Invited Guest Speakers – 14th Balkan Congress of ORL & HNS