Oda e Mjekëve të Kosovës po merr pjesë në Asamblenë e 130-të Mjekësore Gjermane

Oda e Mjekëve të Kosovës merr pjesë në Asamblenë e 130-të Mjekësore Gjermane, e cila u mbajt në Hanover të Gjermanisë.

OMK në këtë n​gjarje të rëndësishme ndërkombëtare po përfaqësohet nga Sekretari i Përgjithshëm, z. Gramoz Jakupi, i cili po merr pjesë në aktivitetet dhe sesionet e organizuara nga Asociacioni Mjekësor Gjerman.

Aktivitetet për të ftuarit ndërkombëtar kanë filluar më 11 maj, ku përfaqësuesi i OMK-së mori pjesë në “Dialogue Forum with Young Physicians”, forum i organizuar nga Asociacioni Mjekësor Gjerman në bashkëpunim me mjekët e rinj, në të cilin u diskutua për të ardhmen e vetëqeverisjes profesionale, sfidat e profesionit mjekësor dhe përfshirjen e brezave të rinj në proceset vendimmarrëse.

Asambleja mbledh përfaqësues të ftuar të organizatave mjekësore nga vende të ndryshme të botës, me fokus diskutimin e zhvillimeve aktuale në sektorin shëndetësor, sfidave të profesionit mjekësor dhe politikave shëndetësore. Një nga temat kryesore të këtij edicioni është mjekësia e varësive (addiction medicine) dhe roli i profesionit mjekësor në parandalim, trajtim dhe regullimin e kësaj lëmie.

Pjesëmarrja e Odës së Mjekëve të Kosovës në këtë asamble përfaqëson vazhdimin e bashkëpunimit ndërkombëtar dhe angazhimin e OMK-së në fuqizimin e marrëdhënieve profesionale me institucionet partnere evropiane, me qëllim shkëmbimin e përvojave dhe avancimin e profesionit mjekësor dhe të sistemit shëndetësor në Kosovë.