Oda e Mjekëve të Kosovës mbështet Marshin e UÇK-së

Kryetari i Odës së Mjekëve të Kosovës, Dr. Pleurat Sejdiu, priti në takim përfaqësuesit e platformës “Liria ka emër”, znj. Eliza Hoxhën, znj. Arbnore Zogjanin dhe z. Ridvan Emini me të cilët diskutoi për zhvillimet dhe aktivitetet në mbështetje të vlerave të luftës së Ushtrisë Çlirimtare të Kosovës.

Në fokus të takimit ishte edhe Marshi i UÇK-së, si një aktivitet që synon të përcjellë mesazhin e respektit dhe mirënjohjes ndaj të gjithë atyre që kontribuan për lirinë dhe pavarësinë e Kosovës.

Përfaqësuesit e platformës “Liria ka emër” falënderuan Odën e Mjekëve të Kosovës për mbështetjen e dhënë për Marshin e UÇK-së.