Oda e Mjekëve të Kosovës mbajti mbledhjen e dytë të Kuvendit, legjislatura e IV.

Oda e Mjekëve të Kosovës mbajti mbledhjen e dytë të Kuvendit, legjislatura e IV.

Kryetari i Odës së Mjekëve të Kosovës, Dr. Pleurat Sejdiu, në fjalimin hyrës përshëndeti anëtarët e Kuvendit për praninë e tyre dhe udhëhoqi këtë mbledhje, duke përcjellë pikat e rendit të ditës si në vijim:

Gjatë kësaj mbledhjeje u bë shqyrtimi dhe miratimi i procesverbalit dhe i rendit të ditës, si dhe u bë dhënia e betimit nga përfaqësuesit e katër njësive zgjedhore nga zgjedhjet e fundit; QKMF Obiliq, Klinika e Reumatologjisë, Klinika e Gastroenterologjisë- Shërbimi i Mjekësisë Nukleare, dhe Klinika e Endokrinologjisë.

Në pjesën tjetër të kësaj mbledhjeje u bë prezantimi i punës dhe procedurave të votimit nga KQZ-ja, Si dhe u bë zgjedhja e kryetarit të Gjyqit të Nderit dhe zëvendëskryetarit të Këshillit Mbikëqyrës, përmes votës së antëraëve të Kuvendit.

Gjithashtu u miratua propozim-vendimi për zgjedhjen e anëtarëve të Komisioneve të Përhershme të OMK-së, Komisionit për Çështje Etike, Komisionit për Licencim, Komisionit për Edukim Specialistik, Komisionit për Edukim të Vazhdueshëm Profesional, Komisionit për Buxhet dhe Financa, Komisionit për Solidaritet dhe ndihmë reciproke si dhe Komisionit Statutor.