Njoftim nga Komisioni për Çështje Etike – Rëndësia e respektimit të afateve të hulumtimeve
30 Maj 2025Njoftim nga Komisioni për Çështje Etike – Rëndësia e respektimit të afateve të hulumtimeve
Komisioni për Çështje Etike i OMK-së, ju bën thirrje të gjithë aplikuesve që kanë marrë leje për hulumtime bio mjekësore, që të respektojnë afatet e përcaktuara për kthimin e raportit përfundimtar si dhe kushtet e përcaktuara në lejen e dhënë – përfshirë kohëzgjatjen e hulumtimit dhe vendin e realizimit të tij.
Po ashtu, dëshirojmë t’ju rikujtojmë se në rast se hulumtimi nuk mund të realizohet brenda afatit të aprovuar, është e domosdoshme që të bëhet kërkesë për shtyerje të afatit përmes procedurës zyrtare.
Mosrespektimi i këtyre detyrimeve mund të ndikojë në vlerësimin e aplikimeve të ardhshme dhe në marrëdhënien e bashkëpunimit me institucionin tonë.
Për çdo paqartësi apo informim shtesë, mund të kontaktoni zyrtarët e OMK-së.
