HAPET REGJISTRIMI PËR PJESËMARRJE NË KONGRESIN E VIII TË MJEKËSISË

Oda e Mjekëve të Kosovës njofton se është hapur zyrtarisht regjistrimi për pjesëmarrje në Kongresin e VIII të Mjekësisë, i cili do të mbahet më 22–24 tetor 2026 në Hotel Emerald, Prishtinë.

Këtë vit, Kongresi organizohet me temën ” Kongresin e VIII të Mjekësisë me temën Promovimi dhe Edukimi Shëndetësor – Në 40-vjetorin e Kartës së Otavës: Së bashku për shëndet dhe mirëqenie”, duke sjellë diskutime profesionale dhe shkencore mbi zhvillimet, sfidat dhe praktikat më të avancuara në këto fusha.

Ftojmë të gjithë mjekët e interesuar të regjistrohen online për të marrë pjesë në këtë ngjarje, përmes platformës digjitale të OMK-së.

Pjesëmarrja do të realizohet vetëm në prani fizike, ndërsa numri i pjesëmarrësve është i kufizuar. Regjistrimi do të jetë i hapur deri në plotësimin e kapacitetit të paraparë.

1. Së pari hapni profilin tuaj në platformën digjitale të OMK-së.
2. Regjistrimin mund ta bëni përmes linkut:

https://online.omk-rks.org/continual-education/participate

3. Pasi të klikoni në këtë link, ju lutem shtypni butonin “Apliko” në anën e djathtë të faqes, poshtë “Veprimet”. (Shiko poshtë në foto).

Konfirmimi i regjistrimit do t’ju dërgohet në adresën elektronike që keni përdorur gjatë aplikimit.

Për të gjitha informacionet dhe njoftimet lidhur me Kongresin e VIII të Mjekësisë, ju lutemi ndiqni faqen zyrtare të OMK-së.

Për ndihmë në rast të vështirësive teknike gjatë regjistrimit online, mund të kontaktoni në numrin 049 872 300 ose përmes e-mailit kongresi@omk-rks.org.