Ftesë për Sponsorizim dhe Ekspozim në Kongresin e VII të Mjekësisë me temë: “Emergjenca, Kujdesi Intensiv dhe Anestezioni në Kriza Mjekësore: Sfidat e së Ardhmes”

Përmes kësaj ftese, kemi kënaqësinë t’ju njoftojmë se Oda e Mjekëve të Kosovës do të organizojë Kongresin e VII të Mjekësisë, me temën “Emergjenca, Kujdesi Intensiv dhe Anestezioni në Kriza Mjekësore: Sfidat e së Ardhmes”, i cili do të mbahet më 21–23 nëntor 2025 në Hotel Emerald, Prishtinë.

Ky kongres, së bashku me Panairin Mjekësor, përfaqëson një nga ngjarjet më të rëndësishme të sektorit shëndetësor në vend. Ai ofron një platformë unike për rrjetëzim profesional dhe prezantim të produkteve, shërbimeve dhe pajisjeve mjekësore nga kompani vendore dhe ndërkombëtare, agjenci qeveritare, organizata partnere dhe të gjithë akterët relevantë të fushës së mjekësisë.

Në kuadër të Pavionit Mjekësor, kompanitë do të kenë mundësi të prezantojnë ofertën e tyre dhe të marrin pjesë në sesione të veçanta punëtorish, ku do të trajtohen produktet dhe shërbimet e ekspozuara. Ekspertë vendorë dhe ndërkombëtarë do të prezantojnë punime shkencore dhe ligjërata mbi zhvillimet më të fundit në shkencat mjekësore. . Në këtë aktivitet pritet të ketë deri në 2000 pjesëmarrës.

Përfitimet për sponsorët dhe ekspozuesit:

• Rritje e vetëdijes për shërbimet apo produktet tuaja;
• Promovim dhe përmirësim i imazhit të institucionit/kompanisë suaj;
• Mundësi për rrjetëzim me përfaqësues të sektorit publik dhe privat të shëndetësisë.

Kategori sponsorizimi:
Do të ketë dy kategori të sponsorizimit: Sponsor të Artë dhe Sponsor të Argjendtë, që do të përcaktohen në bazë të ofertës më të lartë të paraqitur.

Kushtet dhe afatet:

• Ofertat për sponsorizim duhet të dorëzohen fizikisht në zyrat e OMK-së jo më vonë se data 31 korrik 2025.

Sponzorizimi juaj do të vlerësohet dhe promovohet dukshëm gjatë gjithë ngjarjes.

Përveç ofertës për sponzorizim, kompanitë mund të shfaqin produktet dhe shërbimet e tyre në Pavionin Mjekësor. Çmimi për m² i hapësirës së ekspozimit është 100€ ku hapësirat ekspozuese janë të limituara dhe do të ofrohen në tre opsione:

Hapësirat e ekspozimit dhe çmimet:
Çmimi për m² është 100 €, dhe hapësirat ekspozuese ofrohen në këto opsione (hapësirat janë të kufizuara):

• 8 m²
• 10 m²
• 15 m²

Përzgjedhja e hapësirës do të bëhet sipas renditjes së rezervimeve dhe pagesave të konfirmuara.

Në panairet e mëparshme të organizuara nga OMK, 56 kompani kanë dhënë vlerësime pozitive për organizimin dhe përfitimet nga pjesëmarrja. Ju ftojmë të aplikoni si ekspozues duke dërguar një letër interesi, ku specifikoni edhe preferencën tuaj për madhësinë e hapësirës.

Kontakti dhe dorëzimi i interesit:
Letra e interesimit për pjesëmarrje dërgohet në email: kongresi@omk-rks.org, jo më vonë se 31 korrik 2025.
Për më shumë informata, mund të na kontaktoni në:
+383 49 872 305
Adresa: QKUK, Instituti A, Kati i III, 10 000 – Prishtinë.